Այսօրվա առավոտյան ընդհանուր պարապմունքի սկիզբը փոքր-ինչ տարբերվում էր մյուսներից նրանով, որ օրեր շարունակ ուսուցիչների և սովորողների օգնությամբ պատրաստված ինքնատիպ տոնածառի լույսերը վառվեցին ամանորի գալստյան կապակցությամբ: Լույսերը վառելու պատվավոր գործը վստահաված էր դասվարներ Արմինե Մնացականյանին, Տաթև Սահակյանին:
Հիշեցնենք, որ տոնացառի կառուցման համար սովորողները և ուսուցիչները հավաքել էին դատարկ թղթե տուփեր, դրանք սոսնձել մեկը մյուսից և ստացվել է այն ինչը դուք տեսնում եք: Արդյունքը բազմապատկեց մեր սպասելիքները: Ստացվեց մի այնպիսի ինքնատիպ, յուրօրինակ և մաթեմատիկական հաշվարկներ պարունակող տոնածառ, որ շատ ավելին արժե, քան ուղղակի վաճառակետից գնված միօրինակ տոնածառերը:
Ընդհանուր պարապմունքը և հանդիսավոր արարողությունը կարող եք տեսնել լուսակարներով՝ ստորև:
Սմբատ Պետրոսյան 