Այսօր առավոտյան օր սկսեցինք դասավանդողների ընդհանուր ժողովով՝ Մարմարյա սրահում։ Այնուհետև գնացինք դպրոց, որտեղ շարունակեցինք 4-րդ և 5-րդ դասարանցիների մուտքի ճամբարի սովորողների հետ հանդիպումը։ Ինչպես երեկ, այսօր ևս խոսեցինք մաթեմատիկայի ամենամսյա ֆլեշմոբից և փորձեցինք կատարել երեկ հրապարակված օգոստոսյան ֆլեշմոբը։ Սովորողները հետաքրքրված էին ֆլեշմոբով և պրպտուն հարցեր էին տալիս։ Ինձ հատկապես ոգևորեց այն հանգամանքը, որ սովորողները մեկը մյուսին օգնում էին, բացատրում, ուղղում։
Պարապմունքից հետո անցա իմ մյուս սիրած աշխատանքին՝ օգնելու դասվարներին կահավորել դասարանը, փակցնել գրատախտակները, վերանորոգել լուսամուտներ և այլն։ Կրթահամալիրը մեծ շուգով պատրաստվում է սեպտեմբերի 4-ի կրթական շքերթին։
Սմբատ Պետրոսյան 